Initial na pagkakasunod-sunod ng mga partylist sa balota inilabas na ng COMELEC

By Len Montaño December 06, 2018 - 02:16 AM

Inilabas ng Commission on Elections (COMELEC) ang initial order ng party-list groups na lalabas sa opisyal na balota sa May 2019 midterm elections.

Nagkaroon ng electronical raffle ang COMELEC kung saan tinukoy kung anong party-list ang mangunguna sa listahan sa balota.

Base sa datos ng poll body, mayroon 181 party-list groups na naghain ng kanilang Certificate of Nominations and Acceptance (CONA) noong Oktubre.

Ang Bayan Muna party-list ang napili sa electronic raffle na manguna sa listahan.

Ang Kasosyo Producer-Consumer Exchange Association, Inc. party-list ang huling napili.

Nilinaw naman ni COMELEC spokesperson James Jimenez na hindi pa pinal ang pagkakasunod ng party-list groups.

Ito aniya ay resulta lang ng raffle at hindi pa ang final assignments of order of appearance sa balota.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.