2 patay sa pagsabog ng isang gas station malapit sa Rome

Nasawi ang dalawa katao, habang sugatan ang 10 iba pa matapos magkaroon ng pagsabog sa isang gas station sa kahabaan ng Salaria highway malapit sa Rome, Italy.

Ayon sa mga otoridad, isang sibilyan at isang bumbero ang nasawi dahil sa insidente.

Sa 10 sugatan, dalawa dito ang nagtamo ng matinding pinsala.

Nabatid na naganap ang pagsabog habang nagsasalin ng krudo ang isang oil tanker sa gas station.

Sa ngayon ay nakasarado na ang Salaria highway, bagaman kontrolado na ang sunog na resulta ng pagsabog.