Drug suspek kritikal matapos mang-agaw ng baril ng pulis sa Pasay

Kritikal ang kondisyon ng isang lalaki matapos tangkaing agawin ang baril ng isang pulis sa Brgy. 67, Pasay City.

Reresponde lamang sana ang mga pulis sa umano’y transaksyon ng iligal na droga sa naturang lugar.

Gayunman, nang makarating ang pulisya sa lugar, pumasok sa barong-barong ang lalaki na sinubukang agawan ng baril ang rumurespondeng pulis.

Dahil dito, nagpambuno ang dalawa na nagresulta sa pagputok ng baril sa dibdib ng lalaki.

Hindi pa alam ang pagkakakilanlan ng umano’y drug suspek na sa ngayon ay patuloy na inoobserbahan sa Pasay City General Hospital.