Itinakda na ng Judicial and Bar Council ngayong araw, December 5 ang public interview para sa iba pang kandidato sa mababakanteng posisyon ng Associate Justice ng Korte Suprema.
Base sa inilabas na schedule ng JBC, unang sasalang sa interview mula alas-9 ng umaga hanggang alas-12 ng tanghali sina Ramon Cruz, Eduardo Peralta, Jr., at Ricardo Rosario na pare-parehong mula sa mula sa Court of Appeals (CA).
Sasabak naman aa interview na naka-schedule mula alas-2 hanggang alas-5 ng hapon sina Ramon Bato, Jr. mula sa CA, Amparo Cabotaje-Tang, at Efren dela Cruz na kapwa mula sa Sandiganbayan.
Sa kabuuan, mayroong 20 aplikante para maging bagong Associate Justice ng Supreme Court, kabilang ang ilang nominado na nauna nang sumailalim sa public interview.
Ang mapipiling papalit sa mababakanteng posisyon ni Associate Justice Noel Tijam na nakatakdang magretiro sa darating na Enero.