Makabayan bloc magsasampa ng kaso sa Ombudsman laban kay AFP Chief of Staff Galvez

By Erwin Aguilon December 04, 2018 - 12:14 AM

Plano ng Makabayan bloc sa Kamara na magsampa ng reklamo sa Office of the Ombudsman laban kay Armed Forces of the Philippines (AFP) Chief of Staff Carlito Galvez kasunod ng pagsasabing
active member ng Communist Party of the Philippines-New People’s Army (CPP-NPA) si ACT Teachers party-list Representative France Castro at dating Bayan Muna party-list Representative Satur Ocampo.

Sabi ni Castro, inilalagay ni Galvez sa panganib ang kanyang buhay dahil sa maling paratang.

Namumuro na anila ang opisyal mula pa sa pag-uugnay sa kanila sa umano’y Red October plot.

Una rito, sinabi ni Galvez na hindi gawa-gawa ang mga kaso laban kina Castro at dating Ocampo dahil ginagamit ang Salugpungan at Alcadev sa Talaingod, Davao del Norte kung saan sila naaresto, bilang breeding ground ng mga rebelde.

Noong isang linggo dinakip at kinasuhan ng child abuse at human trafficking sina Castro, Ocampo, at iba pa kasunod ng isinagawa nilang solidarity mission sa Talaingod.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.