Malacañang dumistansya sa tax case ng Rappler at ni Ressa

By Chona Yu December 03, 2018 - 03:47 PM

INQUIRER PHOTO/JOAN BONDOC

Walang ginagawang panggigipit ang Malacañang kay Rappler chief executive officer at editor-in-chief Maria Ressa.

Ito ay matapos magpalabas ng arrest warrant ang Pasig Regional Trial Court Branch 265 dahil sa kasong tax evasion.

Ayon kay Presidential Spokesman Salvador Panelo, walang kinalaman si Pangulong Rodrigo Duterte sa arrest warrant laban kay Ressa.

Sinabi pa ni Panelo na may nilabag na tax laws si Ressa kung kaya marapat lamang na habulin ng batas.

Hindi aniya naging ugali ng ehekutibo na pakialaman ang mga desisyon ng hudikatura.

Bukod dito, sinabi ni Panelo na mayroon pa namang presumption of innocence si Ressa at kapag napatunayan sa korte na inosente siya ay tiyak din namang ma-acquit ang opisyal ng Rappler.

Matatandaang makailang beses nang binanatan ng pangulo ang Rappler dahil sa umano’y hindi patas na pagbabalita.

TAGS: duterte, Maria Ressa, panelo, rappler, tax case, duterte, Maria Ressa, panelo, rappler, tax case

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.