Hanging amihan humina ayon sa PAGASA; malaking bahagi ng bansa apektado ng easterlies

Nakararanas ngayon ng monsoon break ang bansa at ang umiiral na weather system ay ang easterlies o mainit sa hangin mula sa Silangang bahagi ng bansa.

Dahil dito, ayon sa PAGASA, maliban sa maalinsangang panahon ay posibleng makaranas ng isolated rainshowers ang Metro Manila at nalalabing bahagi ng bansa dulot ng lcoalized thunderstorms

Wala pa ring bagyo na inaasahang papasok o mabubuo sa loob ng bansa sa susunod na dalawa hanggang 3 araw.

Para ngayong buwan na ito o bago matapos ang taong 2018, sinabi ng PAGASA na 1 hanggang 2 bagyo pa ang papasok sa bansa.