3 arestado sa drug session sa motel sa Makati

Arestado ang tatlo katao na huli sa akto ng drug session sa loob ng kuwarto ng isang motel sa Kalayaan Avenue, Makati City.

Ayon kay Senior Supt. Roger Simon, hepe ng Makati City Police, kasama sa naaresto ang dalawang lalaki at isang babae na naaktuhan nilang gumagamit ng droga sa loob ng kuwarto.

Nakuha din sa mga ito ang 13 sachet ng hinihinalang shabu na nagkakahalaga ng P90,000 at mga drug paraphernalia.

Inaalam na ngayon ng pulisya kung nagtutulak din ng droga ang mga naaresto.