Senador Tito Sotto kinontra si Speaker GMA sa congressional hearings
Salungat ang opinyon ni Senate President Tito Sotto sa paniniwala ni House Speaker Gloria Arroyo ukol sa pagsasagawa ng dalawang kapulungan ng mga pagdinig.
Sinabi ni Sotto na napakahalagang bahagi ng trabaho sa Senado ang mga pag-iimbestiga ng mga komite.
Idinagdag nito na sa pamamagitan ng mga komite nagagampanan ng mga senador ang kanilang mga trabaho, ang bumalangkas ng mga panukala na magiging batas.
Ayon pa sa senador sa kanyang palagay ay mas mahalaga ang trabaho sa mga komite kumpara sa plenaryo.
Unang sinabi Arroyo ang hindi niya pagkagusto sa mga inihahaing resolusyon ng mga kapwa niya mambabatas na layong magsagawa ng ‘investigations in aid of legislation.’
Paniniwala nito nagagamit lang ang mga pagdinig para makapang-harass at hindi naman nagreresulta sa pagbalangkas ng mga panukala.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.