Mas pinasimpleng tax system bill lusot sa 2nd reading sa Kamara

Pasado na sa ikalawang pagbasa ng Mababang Kapulungan ang panukalang naglalayong gawing simple at patas ang sistema ng pagbubuwis.

Sa pamamagitan ng viva voce voting lumusot ang House Bill 8645 o ang Passive Income and Financial Intermediary Taxation.

Layon ng panukala na i-harmonize ang walumpung tax rates at gawin na lamamg itong apatnapu at isa.

Bukod pa sa pagpapawalang saysay sa maraming special laws na nagbibifay ng special rate at exemptions.

Inaayos din nito ang buwis na ipinapataw sa mga financial intermediaries at sa kanilang mga serbisyo o produkto gaya ng savings at investment pati sa debt at equity instruments.

Ang interes at dibidendo pati capital gains ay papatawan na ng unified income tax na 15% samantalang 2% naman ang ipapataw sa mga pre-need, pension at life insurance.