Sa DepEd order no. 049 na pirmado ni Secretary Leonor Briones, inaamyendahan ang DepEd order no. 25 para sa school calendar for school year 2018-2019.
Nakasaad sa bagong direktiba na sa halip na sa December 22, 2018 ang simula ng Christmas break, gagawin na itong December 15, 2018.
Ayon sa DepEd, binibigyang-halaga nila ang importansya ng pagsasama-sama ng mga magkakapamilya ngayong holiday season.
At ang Kapaskuhan ay pagkakataon para makapiling ng mga mag-aaral ang kani-kanilang mahal sa buhay.
Samantala, ang klase naman sa mga eskwelahan ay magreresume o magbabalik sa January 2, 2019.
Ang huling araw ng klase ay hindi naman binago at nananatili sa petsang April 5, 2019.