Ipinagpaliban ng Metro Manila Development Authority (MMDA) ang nakatakda sanang pagbubukas kahapon ng kontrobersyal na footbridge sa Kamuning, Quezon City.
Matatandaang umani ng batikos ang naturang footbridge na binansagang ‘Mount Kamuning’ at ‘Stairway to Heaven’.
Ayon sa MMDA, tinitiyak muna nila kung ligtas ang footbridge na magamit ng publiko.
Matatandaang sinabi ng MMDA na babaguhin nila ang disenyo ng naturang istruktura ngunit pananatilihin ang taas nitong nasa 40 talampakan.
Nilinaw rin ng MMDA na kasama sa P10 milyong budget ang pagbabago sa disenyo ng footbridge.
Samantala, target naman ng ahensya na buksan pa rin ang footbridge bago matapos ang taon.
MOST READ
LATEST STORIES