Bangka na may 12 sakay lumubog sa Cebu

Isang motorized banca na may lulang 12 katao ang lumubog sa karagatang sakop ng Daanbantayan, Cebu.

Ayon kay Telano Dublin ng local disaster risk reduction and management office, isa sa mga pasahero ang nawawala.

Galing ng Lapu-Lapu City ang nasabing bangka na may lulan ding labi ng isang yumao na sana ay dadalhin sa Masbate.

Inaalam pa ng mga otoridad kung ano ang dahilan ng paglubog ng bangka.