P6.8M halaga ng shabu nasabat sa mag-asawang drug courier sa QC
Aabot sa P6.8 million na halaga ng ilegal na droga ang nasabat ng mga otoridad sa isang mag-asawang big time drug courier sa Quezon City.
Ikinasa ng mga tauhan ng Philippine Drug Enforcement Agency (PDEA) ang buy-bust operation sa Barangay E. Rodriguez, kaninang madaling araw.
Naaresto sa operasyon ang mag-asawa sa kanilang inuupahang bahay na isang buwan ding isinailalim sa surveillance ng PDEA.
Ayon kay Joel Plaza, PDEA – NCR Director, maliban sa Metro Manila ay nagsu-suplay din ang mag-asawa ng ilegal na droga sa iba pang bahagi ng Luzon.
Tumitimbang 1.5 kilograms ang nasabat na droga sa kanila.
Mahaharap ang mag-asawa sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.