Nagsama sa isang stage si Janella Salvador at kanyang ama na si Juan Miguel Salvador para sa isang mini-concert.
Sa latest Instagram post ng Kapamilya actress, ibinahagi nito ang patikim sa kanilang jamming ng ama sa Strumm’s Makati kung saan madalas magtanghal ang banda ni Juan Miguel na Authority.
Kinanta ng dalawa ang medley ng mga awitin ng Queen gaya ng ‘Another One Bites the Dust,’ ‘We Will Rock You,’ ‘Bohemian Rhapsody’ at marami pang iba.
Sa caption ng post ni Janella, ibinahagi nito na hindi siya makapaniwala sa pagkakataong maka-duet ang kanyang ama sa unang pagkakataon.
Mapapanood sa video ang saya ng mag-ama sa pambihirang pagkakataon na magka-duet.
Mangilang beses pang hinimok ni Juan Miguel ang audience na palakpakan ang anak habang kumakanta ito.
