Maski mga artista ay may fandom moment pa rin at tanggap ng mga fans na ang paborito nilang celebrity ay tagahanga rin ng ibang artista.
Gaya na lamang ni Liza Soberano na nag-tweet kung paano siya bilang isang fan ni K-Pop Star J-Hope ng international popular boy group na BTS.
Sinorpresa ni Liza ang fans nito nang sagutin niya ang tweet sa opisyal na BTS Twitter account.
Sa post ng aktres ay nakalagay ang dalawnag litrato ni J-Hope at ang caption ni liza ay “I’m your hope, you’re my hope.”
Masaya ang kapwa-BTS fans na fans din ng aktres na pareho pala sila ng iniidolo.
Ang tweet ni Liza ay sinundan ng iba’t ibang sagot na may kasamang GIF ni J-Hope.
Ayon sa isang fan, kung mapapansin ni J-Hope si Liza ay ito na ang winner.
Si Liza ay kasama sa madaming Pinoy fans ng BTS.