LOOK: Facial composite sketch ng bumaril sa isang pulis, inilabas ng QCPD
Inilabas na ng Quezon City Police District (QCPD) ang facial composite sketch ng suspek sa pamamaril sa isang pulis sa lungsod.
Ito, ayon sa paglalarawan ng mga saksi, ang hitsura ng bumaril kay PSupt. Edgardo Cariaso noong November 8 (Huwebes) sa tapat ng Aaliyah’s Pizza sa Kaliraya Streat kanto ng Cluster 14 sa Barangay Tatalon.
Nabatid na nasugatan sa nasabing insidente si Supt. Cariaso, 50-anyos, na nakatalaga ngayon sa Internal Affairs Service o IAS sa Camp Crame.
Batay sa nakuhang CCTV footage ng QCPD, kakababa lang ng sasakyan ng biktimang pulis nang bigla itong lapitan ng isang lalaking nakasuot ng sumbrero at barilin ang biktima saka tumakas sakay ng motorsiklo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.