Kumpanya ng petrolyo may bigtime rollback ngayong araw

Nag-anunsyo ang Phoenix Petroleum Philippines na magpapatupad sila ng rollback ngayong araw.

Sa advisory na kanilang ipinadala sa Department of Energy (DOE), sinabi ng Phoenix Petroleum  na simula mamyang alas-dose ng tanghali ay P1.10 ang kanilang ibabawas sa kada litro ng gasolina.

Sa diesel ay P2.20 bawat litro ayon sa kanilang anunsyo.

Nauna dito ay sinabi ng DOE na magpapatupad ng oil price rollback sa susunod na linggo ang mga kumpanya ng petrolyo.

Resulta pa rin ito ng patuloy na pagbaba sa presyo ng langis sa world market.

Sinabi ng ilang oil industry insider na posibleng magpatuloy pa ang serye ng oil price rollback hanggang sa kalagitnaan ng buwan ng Disyembre.