Davao del Norte Rep. Antonio Floirendo pinayagan ng Sandiganbayan na makabiyahe sa Turkey
Pinayagan ng Sandiganbayan si Davao del Norte Rep. Antonio Floirendo na makalabas ng bansa para magtungo sa Turkey.
Dadalo si Floirendo sa 2nd Executive Council and 11th Plenary sessions of the Assembly mula November 27 hanggang December 3, 2018.
Kasama ng kongresista si House Speaker Gloria Macapagal-Arroyo sa isang linggong Turkey trip.
Batay sa pasya ng Sandiganbayan 6th division, pinagbigyan ang urgent motion for leave ni Floirendo.
Ipinaliwanag ng mambabatas sa korte na nakuha lamang niya ang imbitasyon para sa naturang biyahe noong November 19.
Mayroon namang travel authority na inilabas ang opisina ni Speaker Arroyo para sa biyahe, na siyang isinama ni Floirendo sa kanyang mosyon sa Sandiganbayan.
Si Floirendo ay nahaharap sa kasong graft, kaugnay sa umano’y kwestyonableng land lease deal ng Tagum Agricultural Development Company, Inc. o TADECO sa Bureau of Corrections o BUCOR.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.