Ticket para sa concert ng BLANKPINK sa Pilipinas mabibili mula Dec. 6

Sa December 6 magsisimulang ilabas ang tickets para sa concert sa bansa ng K-pop group na BLACKPINK.

Ayon sa promoter na MMI Live, ang mga Globe subscribers ay mas maagang makaka-avail ng ticket sa pamamagitan ng presale sa Dec. 5.

Maglalaro sa pagitan ng P2,650 hanggang P19,750 ang halaga ng ticket para sa Manila leg ng “In Your Area” concert tour ng grupo.

Ang concert ay magaganap sa February 2, 2019 sa Mall of Asia Arena.

Ang BLACKPINK ang nasa likod ng mga hit na “DDU-DU DDU-DU” at “Kiss and Make Up”.

Bahagi din ng world tour ng grupo ang Bangkok, Jakarta, Hong Kong, Singapore, Kuala Lumpur, at Taipei.