Lockdown sa Metro Manila sa state visit ni Chinese President Xi Jinping, understandable ayon sa Malacañan
Nanindigan ang Palasyo ng Malacañan na kauna-unawa ang pagsasara ng ilang kalsada sa Metro Manila para sa dalawang araw na state visit sa bansa ni Chinese President Xi Jinping.
Ayon kay Presidential Spokesperson Salvador Panelo, kinakailangan kasi na tiyakin ang seguridad ni Xi na isang lider mula sa makapangyarihang bansa.
Giit pa ni Panelo, ano ba naman ang dalawang oras na abala kung ikukumpara sa matinding trapik na naranasan nang bumisita sa bansa noon si Pope Francis kung saan inabot ng walo hanggang sampung oras sa kalsada ang mga motorista.
Una rito, nagturuan ang Metro Manila Development Authority (MMDA) at Presidential Security Group (PSG) sa pag-ako sa unannounced na pagsasara ng mga kalsadang dinaanan ni Xi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.