Mahigit 60,000 katao naapektuhan ng Bagyong Samuel – NDRRMC

Mahigit 60,000 katao o nasa 17,000 na pamilya ang naapektuhan ng Bagyong Samuel.

Sa datos ng National Disaster Risk Reduction Management Council (NDRRMC), sa kabuuan nasa 62,268 na indbidwal ang apektado ng bagyo mula sa 137 na mga barangay sa Bicol Region, Central Visayas at Eastern Visayas.

Nakapagtala ng dalawang insidente ng pagguho ng lupa sa mga bayan ng lope De vega at Catubig sa Northern Samar kung saan ayon sa NDRRMC, limang bahay ang naapektuhan.

12 lugar naman sa Mimaropa at Eastern Visayas ang binaha.

Ayon sa NDRRMC, anim na beses naglandfall ang Bagyong Samuel.

Nakatakda na itong lumabas ng bansa mamayang gabi o bukas ng umaga.