Clearance ng DFA hinihintay para maisapubliko ang detalye ng oil and gas deal ng Pilipinas at China

Tiniyak ng Presidential Communications Operations Office (PCOO) na agad na isasapubliko ng kanilang hanay ang detalye ng nilagdaang memorandum of understanding na oil and gas deal ng Pilipinas at China sa West Philippine Sea.

Ayon kay PCOO Secretary Martin Andanar, humingi na ang kanilang hanay ng kopya sa DFA subalit wala pa itong tugon.

Sa ngayon tanging ang listahan pa lamang ng halos 30 agreement ang hawak ng PCOO.

Una nang sinabi ni Energy Secretary Alfonso Cusi na wala pa rin siyang hawak na kopya ng MOU.