Mamamayan sa Amerika pinag-iingat sa pagkain ng romaine lettuce dahil sa E. Coli

By Dona Dominguez-Cargullo November 21, 2018 - 06:42 AM SHARE(S):

Nagbabala ang US Centers for Disease Control and Prevention sa mga mamamayan ng Amerika sa pagkain ng romaine lettuce dahil maaring kontraminado ito ng E.coli.

Umabot na kasi sa 32 katao ang tinamaan ng outbreak sa 11 estado ayon sa CDC.

11 sa kanila ang naospital at isa ay tinamaan na ng hemolytic uremic syndrome na banta sa buhay dahil sa maari itong magresulta sa kidney failure.
Wala pa namang napaulat na nasasawi sa outbreak.

Kabilang sa mga nagkasakit ay mula sa California, Connecticut, Illinois, Massachusetts, Maryland, Michigan, New Hampshire, New Jersey, New York, Ohio at Wisconsin.

Ang Public Health Agency sa Canada nakapagtala rin ng 18 katao na nagkasakit dahil sa strain mula sa E. coli sa Ontario at Quebec.

Sa abiso ng CDC, pinayuhan ang publiko na itapon na kung sila ay mayroong romaine lettuce sa kanilang bahay.

TAGS: Centers for Disease Control and Prevention, e coli, Health, romaine lettuce, US, Centers for Disease Control and Prevention, e coli, Health, romaine lettuce, US

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.