Pag-okupa ng China sa South China Sea isang realidad ayon sa Malakanyang
Aminado ang Malakanyang na nasa kamay na ng China ang South China Sea.
Pero ayon kay Presidential Spokesman Salvador Panelo, hindi naman ito nangangahulugan ng ownership o pag-aari na ng China ang South China Sea.
Una nang sinabi ng pangulo sa ASEAN Summit sa Singapore na inukupahan na ng China ang South China Sea kung kaya mas iwasan na muna dapat ang magkaroon ng military drill dahil sa posibilidad na mauwi lamang sa giyera.
Ayon kay Panelo, iniiwasan lamang ng pangulo na magkaroon ng gulo sa lugar lalo’t patuloy na ginagalit ng Amerika ang China.
Kapag kasi aniya nagkagiyera ang China at Amerika, ang Pilipinas ang unang maapektuhan sa away.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.