Universal Health Care Bill, nalubak sa Bicameral Conference
Hindi pa nakalusot sa Bicameral Conference Committee ang Universal Health Care Bill.
Sinabi ni Sen. JV Ejercito, Chairman ng Senate Healh Committee, may limang isyu na kailangan pang plantsahin ng mga mambabatas at ng Department of Health.
Isa sa pinagtalunan ang katulad lang na benepisyo ng mga mahihirap at ang mga nagbabayad ng kontribusyon sa Philhealth.
Iginiit ni Senate President Ralph Recto dapat ay may insentibo ang mga nagbabayad ng kanilang Philhealth.
Pagdidiin nito kung magkatulad lang ang benepisyo ay baka wala ng magbigay ng kontribusyon para sa state health insurance.
Kaya ayon kay Ejercito, napagkasunduan na pag aralan munang mabuti ang magiging insentibo sa UHCB.
Aniya mabuti na ayusin muna ang mga butas sa panukala at maaring mangailangan pa ng tatlong Bicameral Conference bago mapaplusot ang panukala.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.