Sundalo sugatan sa pagsabog ng IED sa Maguindanao

Sugatan ang isang sundalo sa pagsabog ng improvised bomb sa national highway ng Datu Hoffer, Maguindanao.

Ayon kay Major Arvin John Encinas ng 6th Infantry Division ng Philippine Army, pinaniniwalaang mga miyembro ng Islamic State ang nagtanim ng bomba at pinasabog ito gamit ang cellphone bilang triggering device.

Sinabi ni Encinas na unang sumabog ang isang IED sa Barangay Labu-Labu 2 alas 6:00 ng umaga ng Lunes, Nov. 19.

Nagtungo sa lugar ang mga tauhan ng 57th Infantry Battalion para magsagawa ng imbestigasyon.

Gayunman, isa pang IED ang muling sumabog na ikinasugat ng isang sundalo.

Dinala na sa Maguindanao Integrated Provincial Hospital ang nasugatang sundalo.