Grab driver, arestado sa buy bust operation sa QC

Nahuli sa ikinasang buy bust operation ng mga pulis ang isang Grab driver na tulak ng droga sa Brgy. San Roque, Cubao, Quezon City.

Naganap ang operasyon sa isang Taxi Apartelle sa kahabaan ng P. Tuason Boulevard.

Nakilala ang suspek na si Kristofer Jay Gavino, 35 anyos at residente ng Sampaloc, Maynila.

Nakuha rito ang siyam na plastic ng sachet na naglalaman ng hinihinalang shabu at P500 na buy bust money.

Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.