6 katao arestado sa buy bust ops sa Mandaluyong

Arestado ang limang lalaki at isang babae sa isang buy bust operation sa Mandaluyong City.

Nasa P378,000 na halaga ng high-grade marijuana o “kush” ang nasabat sa mula sa mga suspek.

Ang operasyon ay isinagawa ng mga tauhan ng Mandaluyong Police Station 5 sa bahagi ng EDSA corner Shaw Boulevard o sa labas ng isang mall sa siyudad, madaling araw ng Linggo (November 18).

Batay sa mga pulis, nagbebenta ang mga suspek ng marijuana “online” at matagal na anilang tinitiktikan ang mga ito.

Ang mga suspek ay nahaharap sa kasong paglabag sa Republic Act No. 9165 o The Comprehensive Dangerous Drugs Act of 2002.