Balangiga bells aayusin muna bago ibiyahe pabalik ng bansa

Isasailalim muna sa pagsaaayos ang Balangiga bells bago ito tuluyang ibiyahe pabalik ng Pilipinas.

Sinabi ito ni Philippine Ambassador to US Jose Manuel Romualdez matapos ang seremonya na idinaos sa Wyoming na hudyat ng pagbabalik ng mga bell sa bansa.

Ayon kay Romualdez, dadalhin sa Philadelphia, Pennsylvania ang dalawang Balangiga bells para ma-refurbish..

Pagkatapos nito, ipadadala ang mga bell sa US Airbase sa South korea kung saan narooon naman ang isa pang bell.

Mula doon ay sabay-sabay na ibibiyahe ang mga kampana pabalik ng Pilipinas.

Sa tantsa ni Romualdez maaring sa Disyembre ay nasa bansa na ang Balangiga bells.