1 sugatan sa banggaan ng 2 motorsiklo sa EDSA
Sugatan ang isang motorcycle rider matapos bumangga sa isa pang motrsiklo habang binabagtas ang northbound lane ng EDSA sa Quezon City.
Naganap ang aksidente pasado alas 5:00 ng umaga sa bahagi ng EDSA kanto ng NIA Road.
Ayon sa isa sa mga driver ng motorsiklo, habang binabagtas niya ang EDSA ay nagulat na lamang siya na sumalpok sa kaniyang likuran ang isang motorsiklo.
Humandusay naman sa kalsada ang driver ng sumalpok na motorsiklo at ilang minuto ring hindi nakatayo.
Halata namang nakainom ang nasabing motorcycle rider na tumangging magpakilala.
Dahil sa nasabing aksidente, bahagyang naapektuhan ang daloy ng traffic sa northbound lane ng EDSA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.