Pangulong Duterte dumating na sa Papua New Guinea

Dumating na sa Papua New Guinea si Pangulong Rodrigo Duterte para dumalo sa Asia Pacific Economic Cooperation (APEC) Economic Leaders’ Meeting ngayong weekend.

Lumapag sa Jacksons International Airport sa Port Moresby ang eroplanong sinakyan ng pangulo galing sa Singapore.

Mula sa pagdalo sa apat na araw na 33rd Association of Southeast Asian Nations (ASEAN) Summit and meetings ay diretso sa Papua New Guinea ang pangulo.

Ayon sa Presidential Communications Operations Office (PCOO), ito ang unang pagkakataon na pagbisita ng presidente ng Pilipinas sa Papua New Guinea.

Bago ang mga aktibidad para sa APEC meeting ay kikitain muna ni Pangulong Duterte ang Filipino community sa nasabing bansa.