100 barung-barong giniba sa Itogon, Benguet
Nagsagawa ng demolisyon ang mga otoridad sa ‘no-build zone’ sa Barangay Ucab, Itogon, Benguet.
Ayon kay Itogon Mayor Victorio Palangdan, noong October 26 pa nagsimula ang demolisyon, kung saan 102 mga barung-barong ang giniba.
Aniya, magpapatuloy ang kanilang operasyon hangga’t hindi nila natatanggal sa lugar ang lahat ng mga shanties o barung-barong.
Sa pamamagitan ng Administrative Order No. 23, ipinag-utos ng lokal na pamahalaan ng Itogon ang paggiba sa nasa 720 mga barung-barong sa danger zone, kasunod ng naganap na landslide sa lugar sa kasagsagan ng pananalasa ng bagyong Ompong.
Mula sa naturang bilang, 25 barung-barong ang boluntaryong giniba ng mga may-ari nito.
Ani Palangdan, wala silang target date kung kailan dapat matapos ang demolisyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.