Isla sa Indonesia niyanig ng magnitude 5.0 na lindol

By Justinne Punsalang November 15, 2018 - 02:58 AM

USGS

Tumama ang isang magnitude 5.0 na lindol sa isang isla ng Indonesia, madaling araw ng Huwebes.

Batay sa impormasyon mula sa USGS, naganap ang pagyanig kaninang ala-1:23 ng madaling araw, oras sa Pilipinas.

Naitala ang episentro ng lindol sa 37 kilometro timog, timog-silangan ng isla ng Bualu sa Indonesia.

May lalim ito na 63.2 kilometro.

Naitala ang Intensity I hanggang IV sa ilang mga lugar sa Indonesia, ngunit hindi naman ito inaasahang magdudulot ng aftershocks.

Bagaman mayroong kalakasan ay wala namang nakataas na tsunami warning sa Indonesia at kalapit na bansa.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.