Nanay at 2 iba pa arestado sa buy bust sa Quezon City

Timbog ang isang babae na karay-karay pa ang kanyang sanggol na anak at dalawang lalaki matapos magsagawa ng anti-drug operation ang mga pulis sa Barangay Socorro sa Cubao, Quezon City.

Nakilala ang mga suspek na sina Lyza Balena, 28 taong gulang; Dominic Villanueva, 29 taong gulang; at Reymar Sareño, 30 taong gulang.

Narekober mula sa mga drug suspek ang 14 na maliliit na sachet ng shabu.

Mahaharap ang tatlo sa kasong paglabag sa Republic Act 9165 o Comprehensive Dangerous Drugs Act of 2002.

Samantala, ibinigay naman sa kamag-anak ni Balena ang dala nitong sanggol.