Makina sa halalan di kayang dayain ayon sa comelec

Ginagarantiyahan ng Commission on Elections (Comelec) ang integridad ng automated election system o AES na gagamitin sa 2019 elections.

Ayon kay Comelec Spokesman James Jimenez, noon pang 2010 ginagamit ang AES at subok na ito ng panahon.

Ang pahayag ay ginawa ni Jimenez matapos na mapabalita ang paglapit ng isang babae sa mga kandidato at pagtiyak ng panalo nito eleksyon sa pamamagitan ng pagmanipula sa AES.

Nanindigan si Jimenez na walang katotohanan ang ipinapangako ng nasabing babae na naaresto na ng mga awtoridad.

Hinikayat din ng Comelec ang publiko na isumbong sa kanila o sa ibang otoridad ang mga sangkot sa kaparehong panloloko at ang mga kandidato na huwag kumagat sa nasabing scam.