6 patay sa banggaan ng tricycle at bus sa Digos City

Patay ang anim na katao matapos ang aksidente na naganap sa Digos City, Miyerkules (Nov. 14) ng umaga.

Pawang miyembro ng iisang pamilya ang mga nasawi sa banggaan ng tricycle at bus.

Ayon kay Supt. Deozar Almasa, hepe ng Digos City Police, naganap ang aksidente sa national highway sa Barangay Coron.

Patungo ng Sta. Cruz ang mag-anak sakay ng tricycle at ang bus naman ay patungo ng Digos.

Nangyari ang aksidente alas 6:30 ng umaga.

Inaalam pa kung ano ang naging sanhi ng aksidente.