Paperless transactions sa mga negosyo at gobyerno nilagdaan sa ASEAN Summit

Sinelyuhan ng mga bansang kasapi sa Association of Southeast Asian Nations (ASEAN) ang e-commerce system para sa mga negosyo at gobyerno.

Sa ilalim ng programa magkakaroon na ng paperless transactions.

Ayon kay Singapore Trade and Industry Minister Chan Chun Sing, ang paperless transaction sa kalakalan ay magpapataas ng kumpiyansa sa mga negosyante at magpapabilis sa mga transaksyon sa pamahalaan.

Ang sistema ay nakapaloob sa isang kasunduan hinggil sa cross border electronic transactions sa rehiyon.