Lalaking naninigarilyo nahulihan ng shabu sa Makati City
Hindi lamang paglabag sa city ordinance kundi maging sa Comprehensive Dangerous Drugs Act ang kakaharapin ng isang lalaki matapos itong mahulihan ng shabu sa Barangay Bangkal, Makati City.
Ayon sa mga tauhan ng Makati City Police, nagpapatrolya sila sa lugar nang makita si Juni Hernandez na naninigarilyo sa kalsada.
Bilang pagtalima sa City ordinance na nagbabawal sa paninigarilyo sa pampublikong lugar ay hinuli si Hernandez.
Ngunit nang kapkapan, hindi lamang sigarilyo ang nakuha mula dito ngunit maging ang isang pakete ng shabu.
Dahil dito ay dinala sa himpilan ng mga pulis sa Makati si Hernandez habang inihahanda ang kasong isasampa laban sa kanya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.