Magnitude 3.2 na lindol tumama sa Surigao del Norte

By Justinne Punsalang November 13, 2018 - 02:11 AM

Niyanig ng isang magnitude 3.2 na lindol ang bayan ng Burgos sa Surigao del Norte kaninang ala-1:27 ng madaling araw.

Batay sa abiso na inilabas ng PHIVOLCS, naganap ang pagyanig sa 43 kilometro hilagang-silangan ng Burgos at nasa dagat na sakop nito.

May lalim ang lindol na 14 na kilometro at tectonic ang origin o pinagmulan.

Ayon sa PHIVOLCS, walang naitalang intensity dahil sa pagyanig.

Wala ring inaasahang anumang aftershocks, maging pagkasira sa mga ari-arian bunsod ng lindol.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.