OFW na nahulihan ng bala sa NAIA, dumulog sa CHR
Dumulog na sa Commission on Human Rights ang Overseas Filipino Worker (OFW) na nabiktima ng tanim-bala sa Ninoy Aquino International Airport (NAIA).
Mangiyak-ngiyak si Ginang Gloria Ortinez nang i-kwento niya ang sinapit niya nang makuhanan ng bala sa kanyang bagahe.
October 25, paalis si Ginang Ortinez at pabalik sa Hong Kong kung saan labing-tatlong taon na siyang nagtratrabaho bilang domestic helper.
Hindi nakaalis ang OFW nang hulihin siya at i-detain sa airport ng ilang araw dahil sa naiwang bala sa bagahe.
Samantala, inihayag naman ni CHR Commissioner Gwen Pimentel-Gana na aalamin nila ang detalye ng pagkakahuli kay Ginang Ortinez at kung may nalabag na karapatang pantao.
“Atin hong titiginan ang allegations ni Ginang Ortinez tungkol sa tanim-bala. Titiginan po natin ang proseso ng pag-detain sa kaniya, may karapatan bang nalabag?,” ayon kay Gana.
Si Ginang Ortinez ay tinutulungan na ngayon ng Blas Ople foundation para makabalik agad sa kanyang trabaho sa Hong Kong.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.