4 patay sa pagbagsak ng small plane sa Iowa
Isang small plane ang bumagsak sa central Iowa, USA, na ikinasawi ng apat na katao.
Ayon sa mga awtoridad, inatake sa puso ang piloto ng eroplano.
Nakilala ang mga nasawi na sina Edward Ralph Anderson, 49 anyos na siyang piloto ng eroplano; Patrick Kellen, 36 anyos; Samantha Clark, 15 anyos; at Tyler Douvia, 28 anyos.
Papunta sanang Osceola, ang eroplano nang sinubukang mag-emergency landing ng isa sa mga student pilots ayon sa Guthrie County Sheriff’s Office.
Hindi naman tinukoy kung sino sa tatlo ang sumubok.
Wasak-wasak ang eroplano matapos bumagsak dahilan para agad na bawian ng buhay ang mga biktima.
Dinala na ang mga labi ng apat sa Iowa Medical Examiner’s Office para isailalim sa autopsy.
Iimbestigahan ng Federal Aviation Administration (FAA) ang dahilan ng pagbagsak ng eroplano.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.