Ex-PBA Coach Dante Silverio, arestado dahil sa alarm and scandal
Inaresto ng mga pulis-Makati ang dating coach ng PBA na si Dante Silverio dahil sa alarm and scandal.
Batay sa Makati City Police Station, si Silverio na 81-anyos at isa ring sports car enthusiast ay hinuli dakong 10:23 ng umaga ng November 9, 2018 sa loob ng Ecology Village, Barangay Magallanes sa naturang siyudad.
Ayon sa mga otoridad, armado at nagpaputok ng baril si Silverio na ikinaalarma naman ng mga residente sa village.
Nagawa pang makatakas ni Silverio matapos ang insidente, gamit ang kanyang pribadong sasakyan na puting Toyota Fortuner.
Pero sa follow-up operation ng mga pulis ay naaresto si Silverio sa kanyang opisina sa S. Services Inc. sa Don Chino Roces Extention.
Ang suspek ay ikinulong sa Makati Police Station detention facility at nahaharap sa kasong alarm and scandal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.