Tatlong magkakasunod na araw nang walang nakukuhang bangkay sa ground zero sa natabunang gusali ng DPWH sa Natonin, Mountain Province.
Alas sais ng gabi ng Huwebes, Nov. 8 nagpasya ang Search and Retrieval Operation Groups na itigil na ang operasyon sa national level at ipasa na sa provincial level ang pagpapasya sa pagpapatuloy ng paghahanap.
Sa ngayon nananatiling 11 pa ang nawawalang biktima.
Nasa 17 naman na ang narecover.
Ngayong araw nagsagawa ng final meeting ang Provincial Local Government Unit (PLGU) ng Mountain Province, Natonin LGU at ang pamilya ng mga nasawi.
Tinalakay sa pulong ang pag-turnover na ng operasyon sa Provincial Government sa pamamagitan ng Provincial Disaster Risk Reduction and Management Council ng Mountain Province.