Residential area tinupok ng apoy sa Navotas

Isang residential area ang tinupok ng apoy sa Barangay Tangos sa Navotas City.

Nagsimula ang sunog sa isang bahay malapit sa Oliveros Street alas 7:32 ng umaga.

Makalipas ang ilang minuto ay agad itinaas sa ikatlong alarma ang sunog.

Naideklara namang under control ang sunog alas 8:20 ng umaga at naideklarang fire out 9:46 ng umaga.

Umabot sa 150 pamilya ang nawalan ng tirahan dahil sa nasabing sunog.

May mga residente din na dumaing ng hirap sa paghinga dahil sa kapal ng usok na agad namang naasistihan.

Inaalam pa ngayon ng Navotas Fire Department ano ang pinagmulan ng apoy.