Kopya ng wage order para sa dagdag sahod sa NCR isinapubliko na ng wage board
Isinapubliko na ngayong araw ng Miyerkules (Nov. 7) ng National Wages and Productivity Board ang kopya ng wage order na nagdaragdag ng P25 sa minimum wage sa Metro Manila.
Dahil dito, magiging epektibo ang wage hike sa Metro Manila sa Nov. 22.
Nakasaad sa wage order na ang mga manggagawa sa non-agriculture sector sa NCR ay tatanggap na ng minimum na arawang sahod na P537 mula sa dating P512.
Ang mga nasa agricultural sector naman, at mga nasa retail/service establishments lamang 15 empleyado pababa at manufacturaing establishments na may 10 empleyado lamang at pababa ay tatanggap ng P500 na minimum na sweldo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.