Easterlies magdudulot ng maalinsangang panahon sa malaking bahagi ng bansa

By Dona Dominguez-Cargullo November 07, 2018 - 06:30 AM SHARE(S):

Maalinsangang panahon ang mararanasan sa malaking bahagi ng bansa dahil sa easterlies.

Ayon sa PAGASA, dahil sa easterlies ang buong Palawan, Eastern at Central Visayas at ang CARAGA Region, ay makararanas ng maulap na papawirin na may kalat-kalat na pag-ulan, pagkulog at pagkidlat.

Ang mararanasan malakas na pag-ulan sa Palawan ay maaring magdulot ng pagbaha.

Sa nalalabi namang bahagi ng bansa kasama na ang Metro Manila ay magiging maaliwalas ang panahon na makararanas lang ng localized thunderstorms.

Sa Biyernes sinabi ng PAGASA ay mararamdaman na ang pagbaba ng temperatura dahil sa Amihan sa Batanes at Babuyan Group of Islands.

Ang peak ng Amihan o pinakamalamig na temperatura ay mararamdaman sa Enero pa o Pebrero.

Wala namang binabantayang sama ng panahon ang PAGASA na maaring makaapekto sa bansa sa susunod na mga araw.

TAGS: pagasa, weather, pagasa, weather

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.