Malakanyang tiwalang makatutulong sa mga manggagawa ang P25 na dagdag-sahod sa NCR

Umaasa ang Malakanyang na makasasapat ang P25 dagdag-sahod sa mga manggagawa sa National Capital Region (NCR) para makaagapay sa mataas na presyo ng mga pangunahing bilihin.

Ayon kay Presidential Spokesman Salvador Panelo, iginagalang ng palasyo ang pagpapasya ng wage board.

Pero ayon sa kalihim, maari pa naman mabago ang halaga ng dagdag-sahod depende sa magiging takbo ng ekonomiya ng bansa.

Una rito, humihirit ang labor groups ng P334 na dagdag-sahod subalit P20 lamang ang alok ng Employers Confederation of the Philippines (ECOP).

Kapag nagging epektibo na magiging P500 hanggang P537 na ang arawang sahod ng mga mangggagawa sa Metro Manila.