Pulis arestado dahil sa droga sa Pateros
Kalaboso ang isang dating pulis matapos magkasa ng drug buy bust operation ang mga kabaro sa Barangay Tabakalera sa bayan ng Pateros.
Nakilala ang arestadong pulis na si PO1 Alexander Ilagan na nakatalaga sa Manila Police District (MPD).
Ayon sa hepe ng Pateros Municipal Police na si Senior Superintendent Julius Coyme, nakatanggap sila ng impormasyon na sangkot umano si Ilagan sa kalakaran ng iligal na droga.
Kaya naman agad silang nagsagawa ng operasyon laban dito, kung saan narekober ang tatlong sachet ng shabu.
Nabatid na kabilang ang pulis sa drug watchlist sa Pateros.
Taong 2016 nang matanggal sa serbisyo si Ilagan dahil sa kasong negligence of duty.
Mahaharap si Ilagan sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.