Nakuhang katawan sa landslide sa Mt. Province umakyat na sa 12

Umabot na sa 12 ang nakukuhang bangkay sa landslide sa Natonin, Mountain Province.

Napabilis ang search and operation ng mga otoridad araw ng Biyernes makaraang makarating na sa lugar ang mga heavy equipment.

Ilang araw ding hindi napasok ng heavy equipment ang lugar dahil sa dami ng landslide na nadaanan.

Pero Biyernes ng umaga, nabuksan na ang bahagi ng kalsada na patungo sa ground zero.

Dahil dito, nakalagpas na ang mga heavy equiment.

Siyam sa labingdalawang katawan ang nakilala na matapos tukuyin ng kanilang mga kaanak.